जबरजस्ती करणी सम्बन्धी कसूर: तपाईको कानून तपाईले जान्नुपर्छ भिडियो श्रृंखला

जबरजस्ती करणी सम्बन्धी कसूर

नेपालमा पछिल्लो समयमा बलात्कारका दर्जनौं घटनाहरू घटिरहेका छन्। यस्ता घटनामा ६ महिनाकी शिशु बालिका देखि ७० वर्ष माथिका आमाहरू पनि शिकार भएका छन्। बलात्कारका घटनामा कडा कानूनी सजायको माग हुँदै आएको छ र बलात्कारीलाई फाँसीको सजाय दिनुपर्ने चर्का नारा पनि उठाइएको पाइन्छ। यद्यपि, फाँसी दिने कानुन बनाउने विषयमा नेपालको संविधान २०७२ ले प्रतिबन्ध लगाएको छ।

नेपालको कानूनी व्यवस्था (मुलुकी अपराध संहिता, २०७४ अनुसार)

कुनै महिलालाई मञ्जुरी नलिई करणी गरेमा वा मञ्जुरी लिए पनि १८ वर्षभन्दा कम उमेरको बालिकालाई करणी गरेमा जबरजस्ती करणी मानिनेछ।

सजायको वर्गीकरण:

१० वर्षभन्दा कम उमेरकी बालिका, पूर्ण अशक्त वा ७० वर्षभन्दा बढी उमेरका महिलालाई करणी गरेमा: जन्मकैद

१० वर्ष वा बढी १४ वर्षभन्दा कम उमेरका बालिकालाई करणी गरेमा: १८–२० वर्ष कैद

१४ वर्ष वा बढी १६ वर्षभन्दा कम उमेरका बालिकालाई करणी गरेमा: १२–१४ वर्ष कैद

१६ वर्ष वा बढी १८ वर्षभन्दा कम उमेरका बालिकालाई करणी गरेमा: १०–१२ वर्ष कैद

१८ वर्ष वा बढी महिलालाई करणी गरेमा: ७–१० वर्ष कैद

वैवाहिक जबरजस्ती करणीको कसूरमा: ५ वर्षसम्म कैद

हाडनातामा आधारित करणी

जानबुझेर विवाह गर्न नहुने नाताको व्यक्ति संग करणी गरेमा:

जन्माउने आमा-छोरा वा बाबु-छोरीको करणीमा: जन्मकैद

सौतेनी आमा-छोरा, बाबु-छोरी, सहोदर दिदी-भाइ, एकै हाँगाको ससुरा-बुहारी, बाजे-नातिनी वा पनातिनी, जेठाजु-भाई बुहारी वा देवर-भाउजु को करणीमा: ४–१० वर्ष कैद र ४०,०००–१,००,००० जरिवाना

एकै हाँगाको ३ पुस्तासम्मका नातेदार, बज्यै, नाति वा पनाति, ठुलो बाबु वा काका-भतिजी, भतिजो-ठुली आमा वा काकी, ससुरो-भतिजी बुहारी, मामा-भान्जी वा भानिज, आमा तर्फका ठुली आमा वा सानी आमा, छोरा, सासू र ज्वाईँको करणीमा: ३–६ वर्ष कैद र ३०,०००–६०,००० जरिवाना

सरकारी वा सुरक्षामा आधारित करणी

थुनामा रहेको व्यक्तिलाई सरकारी कर्मचारीले करणी गरेमा वा गर्न लगाएमा: ३ वर्ष कैद

आफ्नो संरक्षण र सुरक्षामा रहेको व्यक्ति सँग करणी गरेमा: ३ वर्ष कैद

सरकारी वा निजी कार्यालयमा कार्यरत कर्मचारीलाई त्यस्तो कार्यालयकै कर्मचारीले करणी गरेमा: ४ वर्ष कैद र ४०,००० जरिवाना

यौन दुर्व्यवहार गरेमा: ३ वर्ष कैद र ३०,००० जरिवाना

बाल यौन दुर्व्यवहार गरेमा: ३ वर्ष कैद र ३०,००० जरिवाना

पशु करणीमा सजाय

गाईको करणी गरे वा गराएमा: २ वर्ष र २०,००० जरिवाना

अन्य पशु करणीमा: १ वर्ष कैद र १०,००० जरिवाना

हाडनाता र पशु करणी बाहेक अन्य करणीमा क्षतिपूर्ति भराई दिनुपर्नेछ

हाडनाता करणीमा जहिलेसुकै, अन्यमा ३ महिना थुना; अपहरण वा शरीरबन्धक अवस्थामा मुक्ति पाएको मितिबाट ३ महिना